ყოფილი ჰიდროტექნიკუმის შენობა მდებარეობს ქალაქის ცენტრში. სამსართულიან შენობას გააჩნია სადღესასწაულო შესასვლელები. შენობის ირგვლივ გაშენებულია ბაღი, რომელიც შემოღობილია ბეტონის დეკორატიული ღობით.

კულტურული მემკვიდრეობის ძეგლის სტატუსის მქონე შენობას ჩაუტარდა  რეაბილიტაცია  და 2020 წლის 27 ოქტომბერს გაიხსნა ბათუმის სახელმწიფო საზღვაო აკადემიის ფოთის ფილიალი - „ფოთის საზღვაო სასწავლო -საწვრთნელი ცენტრი“, რომელიც ორიენტირებულია საზღვაო მიმართულებით პროფესიული კადრების მომზადებაზე, რაც ხელს შეუწყობს ქვეყანაში სანავსადგურე პროფესიების განვითარებას.

სასწავლებელი გათვლილია 1000 სტუდენტზე. 2021 წლის აპრილის თვიდან მიმდინარეობს მოკლევადიანი კურსები მოქმედი მეზღვაურებისათვის. 10 პროფესიულ-საგანმანათლებლო პროგრამაზე სწავლა დაიწყება ოქტომბრის თვიდან.

სასწავლებელში არსებული 10 ლაბორატორია აღჭურვილია მსოფლიოში საუკეთესო თანამედროვე სიმულატორებით, რომლებიც სრულად აკმაყოფილებს საერთაშორისო სტანდარტებს, შესაბამიისად სასწავლებელი მოამზადებს მაღალკვალიფიციურ კადრებს, რომლებიც კონკურენტუნარიანები იქნებიან როგორც საქართველოში, ასევე საერთაშორისო დონეზე.

სტუდენტებისათვის მოწყობილია მოსასვენებელი სივრცე-სკვერი, სპორტული აქტივობებისათვის ფეხბურთის სტადიონი და ფიტნეს დარბაზი. როგორცშიდა, ასევე გარე შეხვედრებისა და აქტივობებისათვის საკონფერენციო დარბაზი და ბიბლიოთეკის დიდისივრცე.